غیر مقلد اہلحدیث ارشاد الحق اثری صاحب علماء کی گرفت میں

مشہور غیر مقلد اہلحدیث عالم ارشاد الحق اثری صاحب اپنی کتاب اعلاءالسنن فی المیزان کے ص 32 پر لکھتے ہیں۔

"امام رازی رحمۃ اللہ علیہ سے لے کر شاہ اسماعیل شہید تک اکابر نے مقلدین کے بارے میں جو تاثرات دیے ہیں وہ وسیع الذیل ہیں"

الجواب باسم ملھم الصواب۔

چونکہ اس وقت غیر مقلدین تھے ہی نہیں اسی لیے غیر مقلدین کے بارے میں ان اکابر رحمہ اللہ نے کوئی تاثر نہیں دیا۔البتہ مقلدین کے اندر جو کمی کوتاہی دیکھی اس پر تاثر دے دیا۔لیکن یہ سلسلہ آپ کے اپنے بقول شاہ اسماعیل شہید رحمۃ اللہ علیہ پہ ختم ہو جاتا ہے۔

اس کے بعد ترک تقلید کے اثرات اپنی پوری آب و تاب کے ساتھ جب نظر اتے ہیں تو اکابر نے ترک تقلید کے بارے میں کیا تاثر دیا ہے وہ پہلے اپنے بزرگوں کی زبانی ملاحظہ فرمائیں

غیر مقلد اہلحدیثوں کیلئے ان کے گھر سے حوالہ

مشہور غیر مقلد اہلحدیث محمد حسین بٹالوی رقمطراز ہیں کہ

"پچیس برس کے تجربہ سے ہم کو یہ بات معلوم ہوئی ہے کہ جو لوگ بے علمی کے ساتھ مجتہد مطلق اور تقلید مطلق کے تارک بن جاتے ہیں وہ آخر اسلام کو ہی سلام کر بیٹھتے ہیں"

۔(اشاعۃ السنۃ،صفحہ 88، جلد 11)

غیر مقلد وہابیوں کے امام و محدث ناصر البانی لکھتے ہیں

: تقلید کی حرمت کی دلیل مجھے معلوم نہیں بلکہ جس کے پاس علم نہیں اس کا تقلید کے بغیر چارہ نہیں ہے

۔ (فتاویٰ البانیہ جلد اوّل صفحہ 124 مترجم غیر مقلد وہابی علماء)

"اب باقی اکابرامت کی آراء سنیں"

ارشاد الحق اثری کو امام رازی اشعری شافعی رحمہ اللہ سے منہ توڑ جواب

امام فخرالدین ابوعبداﷲمحمد بن عمرالرازیؒ (المتوفی: ۶۰۴ھ) فرماتے ہیں کہ: ’’اخْتَلَفَ النَّاسُ فِي أَنَّهُ هَلْ يَجُوزُ لِلْمُجْتَهِدِ تَقْلِيدُ الْمُجْتَهِدِ؟ مِنْهُمْ مَنْ حَكَمَ بِالْجَوَازِ/ وَاحْتَجَّ بِهَذِهِ الْآيَةِ فَقَالَ: لَمَّا لَمْ يَكُنْ أَحَدُ الْمُجْتَهِدِينَ عَالِمًا وَجَبَ عَلَيْهِ الرُّجُوعُ إِلَى الْمُجْتَهِدِ الْآخَرِ الَّذِي يكون عالما لقوله تعالى: فَسْئَلُوا أَهْلَ الذِّكْرِ إِنْ كُنْتُمْ لَا تَعْلَمُونَ فَإِنْ لَمْ يَجِبْ فَلَا أَقَلَّ مِنَ الْجَوَازِ‘‘۔ ’

’بلاشبہ بعض لوگوں نے مجتہد کے لئےاس آیت کریمہ سےتقلید کاجوازثابت کیاہے۔ وہ یوں کہ جب مجتہدین میں سے کوئی کسی چیز کونہیں جانتاتواس پرمجتہدعالم کی طرف رجوع کرناواجب ہے، کیونکہ اﷲتعالیٰ کاارشادہےکہ: {پس سوال کرو اہل علم سے اگر تم کو علم نہیں}۔ اگررجوع کرناواجب نہ ہوتوجواز سے کیاکم ہوگا‘‘۔ (تفسیر الفخرالرازی: ج۲۰، سورۃ النحل۴۳، ص۳۷)

فَسْئَلُوا أَهْلَ الذِّكْرِ إِنْ كُنْتُمْ لَا تَعْلَمُونَ

﴿يَآ أَيُّهَا الَّذِينَ اٰمَنُوآ اَطِيعُوا اللَّهَ وَاَطِيعُوا الرَّسُولَ وَاُولِي الْأَمْرِ مِنْكُمْ﴾ [ النساء : 59]

ترجمہ: اے ایمان والو! اللہ، رسول اور اپنے میں سے "اولو الامر" کی اطاعت کرو۔

علامہ رازی رحمہ اللہ فرماتے ہیں کہ اس آیت میں "اولو الامر" سے علمائے مجتہدین مراد لینا زیادہ بہتر ہے۔

"وخامسها: أن أعمال الأمراء والسلاطين موقوفة على فتاوي العلماء، والعلماء في الحقيقة أمراء الأمراء، فكان حمل لفظ أولي الأمر عليهم أولى".

تفسير الرازي : مفاتيح الغيب ـ موافق للمطبوع - (10 / 117)

﴿وَإِذَا جَآءَهُمْ أَمْرٌ مِنَ الْأَمْنِ أَوِ الْخَوْفِ أَذَاعُوا بِهِ وَلَوْ رَدُّوهُ إِلَى الرَّسُولِ وَإِلَى أُولِي الْأَمْرِ مِنْهُمْ لَعَلِمَهُ الَّذِينَ يَسْتَنْبِطُونَهُ مِنْهُمْ﴾ [النساء: 83]

ترجمہ: جب ان کے پاس امن یا خوف کا کوئی معاملہ آتا ہے تو اسے مشہور کردیتے ہیں ، اگر پیغمبرِ خدا اور اپنے میں سے "اولی الامر" کے پاس اسے لے جاتے تو ان میں جو اہلِ استنباط (یعنی مجتہدین) ہیں اسے اچھی طرح جان لیتے۔

علامہ رازی رحمہ اللہ لکھتے ہیں کہ اس آیت سے ثابت ہوتا ہے کہ عام آدمی پر واجب ہے کہ وہ پیش آمدہ مسائل میں علماء کی تقلید کریں۔

"إذا ثبت هذا، فنقول: الآية دالة على أمور. أحدها: أن في أحكام الحوادث ما لا يعرف بالنص بل بالاستنباط. وثانيها: أن الاستنباط حجة. وثالثها: أن العامي يجب عليه تقليد العلماء في أحكام الحوادث".

تفسير الرازي : مفاتيح الغيب ـ موافق للمطبوع - (10 / 159)

حافظ ابن رجب الحنبلی رحمہ الله ایک سوال نقل کرتے ہیں اورخود ہی اس کا جواب دیتے ہوئے فرماتے ہیں:

’’اگر يہ كہا جائے کہ امام احمد رحمه الله وغيرہ نے جو اپنى كتاب اور كلام ميں تقلید كرنے سے منع كيا ہے اس كے متعلق آپ كيا كہتے ہيں؟ اور پھر امام احمد رحمہ اللہ كا قول ہے ميرا اور فلان اور فلان كا كلام مت لكھو، بلكہ جس طرح ہم نے سيكھا ہے اور تعليم حاصل كى ہے اس طرح تم بھى تعليم حاصل كرو ائمہ كى كلام ميں يہ بہت موجود ہے؟

اس كے جواب ميں كہا جائيگا كہ بلاشک و شبہ امام احمد رحمہ اللہ فقہاء كى آراء لكھنے اور حفظ كرنے ميں مشغول ہونے سے منع كيا كرتے تھے بلكہ كہتے كہ كتاب و سنت كى فہم اور تعليم و تدريس اور حفظ ميں مشغول ہوا جائے اور صحابہ كرامؓ اور تابعين عظامؒ كے آثار لكھا كريں ان كے بعد والوں كى نہيں اور اس ميں سے صحيح اور ضعيف شاذ و مطروح قول كو معلوم كريں بلاشک اس سےیہ تعين ہو جاتا ہے كہ كتاب و سنت كى تعليم كا اہتمام كرنا كسى دوسرے كام ميں مشغول ہونے سے بہتر ہے بلكہ پہلے اس كى تعليم حاصل كى جائے۔ لہٰذا جو يہ جان لے اور اس كى معرفت كى انتہاء تک پہنچ جائے جيسا كہ امام احمد رحمه الله نے اشارہ كيا ہے تو اس كا علم تقريباً امام احمد رحمه الله كے قريب ہو گيا تو اس پر كوئى روک ٹوک نہيں ہے اور نہ ہى اس كے متعلق كلام کیاجارہا ہے، بلكہ كلام تو اس شخص كے متعلق ہے جو اس درجہ تک نہيں پہنچا اور نہ ہى وہ اس كى انتہاء كو پہنچا ہے اور نہ اس نے کچھ سمجھا ہے ہاں تهوڑا ساعلم ضرور ہے جيسا كہ اس دور كے لوگوں كى حالت ہے بلكہ كئى زمانوں سے اكثر لوگوں كا يہى حال ہے وہ انتہاء درجہ تک پہنچنے اورغايت كو پانے كا دعوىٰ كرتے ہيں حالانكہ وہ تو ابتدائى درجات تک بھى نہيں پہنچ سكے‘‘

۔ (الرد على من اتبع غير المذاہب الاربعۃ: ص ۳۵-۳۶)

حافظ ابن عبد البر مالکی رحمہ اللہ لکھتے ہیں کہ علماء کا اس بات میں اختلاف نہیں کہ عام لوگوں کے ذمہ اپنے علماء کی تقلید کرنا واجب ہے، اور اللہ رب العزت کے ارشاد سے یہی لوگ مراد ہیں، ان سب کا اس بات پر اتفاق ہے کہ اندھے کو جب قبلہ کی سمت معلوم نہ ہو تو اس پر لازم ہے کہ وہ اس شخص کی تقلید اور پیروی کرے جس کی تمییز پر اسے بھروسہ ہو، اسی طرح وہ لوگ جن کے پاس دینی علم نہیں اور وہ دینی بصیرت سے عاری ہیں ان کے ذمہ اپنے عالم کی تقلید لازم ہے۔

"ولم تختلف العلماء أن العامة عليها تقليد علمائها، وأنهم المرادون بقول الله عز وجل: ﴿فَسْـَٔلُوٓا۟ أَهْلَ ٱلذِّكْرِ إِن كُنتُمْ لَا تَعْلَمُونَ﴾ [النحل: 43] وأجمعوا على أن الأعمى لا بد له من تقليد غيره ممن يثق بميزه بالقبلة إذا أشكلت عليه، فكذلك من لا علم له ولا بصر بمعنى ما يدين به لا بد من تقليد عالمه".

جامع بيان العلم وفضله - مؤسسة الريان - (2 / 230)

حضرت شاہ اسماعیل شہید حنفی رحمہ اللہ کی حنفیت کیلئے قارئیں مولانا سرفراز خان صفدر رحمہ اللہ کی یہ کتاب پڑھیں ، جس میں امام اہل السنہ نے شاہ صاحب کے حوالے سے غیر مقلدیت کے تابوت میں آخری کیل ٹھونک دی ہے۔

طائفہ منصورہ صفحہ 23 تا 27