کسی محدث یا کسی راوی کا کسی کمزور یا موضوع حدیثیں نقل کرنا اس راوی یا محدث پر جرح نہیں ہے، مگر یہ کہ کسی دلیل سے ثابت ہوجائے کہ اس نے خود وہ حدیث گھڑی ہو .

 

 کسی محدث یا کسی راوی کا کسی کمزور یا موضوع حدیثیں نقل کرنا اس راوی یا محدث پر جرح نہیں ہے،  مگر یہ کہ کسی دلیل سے ثابت ہوجائے کہ اس نے خود وہ حدیث گھڑی ہو ۔

چنانچہ ، امام ترمذی ؒ (م۲۷۹؁ھ)مشہور ثقہ ، حافظ ، اور صاحب السنن ہیں ، ان کی کتاب ’سنن الترمذی‘  صحاح ستہ میں داخل ہے ،   لیکن غیر مقلدین کے محدث، البانی صاحب کی تحقیق میں ترمذی میں ’۱۶‘ موضوع اور من گھڑت حدیثیں ہیں ، دیکھئے :       (سنن ترمذی بتحقیق البانی : حدیث : ۱۷۲،۸۰۱، ۱۸۵۹، ۲۴۹۴، ۲۵۰۵، ۲۶۴۸، ۲۶۸۱، ۲۷۱۴، ۲۷۶۲، ۲۸۸۸، ۳۵۷۰، ۳۶۸۴، ۳۷۰۹، ۳۹۲۳، ۳۹۲۸، ۳۹۳۹)

اور زبیر علی زئی کے نزدیک بھی سنن ترمذی میں’۴‘ حدیثیں موضوع ہیں۔ (انوار الصحیفہ : ضعیف سنن ترمذی : حدیث نمبر ۱۷۲، ۳۰۵۹، ۳۵۴۹، ۳۷۰۹)

ثابت ہوا کہ اہل حدیثوں کے نزدیک امام ترمذی ؒ نے موضوع حدیثیں اپنی کتاب میں نقل کی ہیں ، لیکن موضوع حدیثیں نقل کرنے کے باجود، کوئی ایک غیر مقلد، اہل حدیث بھی امام ترمذیؒ پر جرح نہیں کرتا۔

اسی طرح امام ابن ماجہؒ (م۲۷۳؁ھ)مشہور حافظ الحدیث، ثقہ، اور صاحب السنن ہیں ، ان کی کتاب ’سنن ابن ماجہ‘ بھی صحاح ستہ میں داخل ہے ۔

لیکن البانی صاحب نےابن ماجہ کی ’۴۲‘ حدیثوں کو موضوع قرار دیا ہے ۔ (سنن ابن ماجہ بتحقیق البانی :  حدیث نمبر ۴۹، ۵۵، ۶۵، ۱۴۱، ۲۲۲، ۲۴۸، ۴۲۴، ۷۱۲، ۸۹۶، ۱۲۴۲، ۱۳۱۶، ۱۳۷۳، ۱۳۸۸، ۱۴۳۷، ۱۴۶۱، ۱۴۸۱، ۱۷۴۹، ۱۷۷۷، ۱۷۸۲، ۱۷۹۷، ۲۱۵۲، ۲۳۰۷، ۲۳۷۳، ۲۵۱۴، ۲۶۱۳، ۲۷۳۶، ۲۷۶۸، ۲۷۷۰، ۲۷۸۰، ۳۱۱۷، ۳۲۲۱، ۳۳۱۸، ۳۳۳۰، ۳۳۵۲، ۳۳۵۸، ۳۵۶۸، ۴۰۵۴، ۴۰۵۷، ۴۰۸۷، ۴۰۹۴، ۴۲۹۷، ۴۳۱۳)

جبکہ زبیر علی زئی نے ،ابن ماجہ کی ‘۲۷‘روایت کو موضوع و من گھڑت بتایا ہے ۔  (انوار الصحیفہ : ضعیف ابن ماجہ : حدیث نمبر : ۴۹، ۵۵، ۶۵، ۱۴۱، ۲۴۸، ۲۶۳، ۴۲۴، ۶۵۷، ۷۵۰، ۱۱۲۹، ۱۲۴۲، ۱۳۱۶، ۱۳۸۸، ۱۴۶۱، ۱۴۶۲، ۱۴۸۵، ۱۷۹۷، ۲۰۳۷، ۲۲۲۵، ۲۳۰۷، ۲۷۶۸، ۲۷۷۰، ۲۷۸۰، ۳۳۵۸، ۳۵۶۸، ۴۰۵۴، ۴۳۱۳)

اس سے صاف پتہ چلتا ہے کہ اہل حدیثوں کے نزدیک ابن ماجہ ؒ نے اپنی سنن میں کئی موضوع حدیثیں نقل کی ہیں ، جس کو رسول اللہ ﷺ نے بیان نہیں کیا ہے ۔ لیکن اہل حدیث حضرت ابن ماجہ ؒ پر موضوع حدیثیں نقل کرنے کی وجہ سے کوئی جرح یا لب کشائی کریں گے ؟

ماخوذ الاجماع - شمارہ نمبر 2 

 پیشکش :   النعمان سوشل میڈیا سروسز