اعتراض نمبر ٤٢
پیر بدیع الدین شاہ راشدی لکھتے ہیں۔
مسئله:٤٢
اعمال کا دارومدار نیت پر ہے
حدیث نبوی ﷺ
انما الاعمال بالنيات
ترجمہ: اعمال کا دارومدار نیت پر ہے۔
(بخاري 1كتاب العلم باب كيف كان بدا الوحي الي رسول الله صلي الله عليه وسلم ص 2، حديث نمبرا )(مسلم ج2ص140 کتاب الامارة باب قوله انماالاالاعمال بالنية حديث نمبر 1907)
فقه حنفی
ولا يشترط نية التيمم للحدث أو للجنابة هو الصحيح من المذهب
(هداية اولين ج1كتاب الطهارة باب التيمم ص 51)
حنفی مذہب کے مطابق صحیح فیصلہ یہ ہے کہ ٹیم کے لئے نیت شرط نہیں ہے۔ وہ تیمم بے وضو ہونے کی وجہ سے ہو یا جنابت کی وجہ سے ۔
(فقہ وحدیث 81 )
جواب:
راشدی صاحب نے یہاں پر حنفی مذہب غلط نقل کیا ہے حنفی مذہب میں تیمم کے لئے نیت کرنا ضروری ہے ملاحظہ فرمائیں
1 ۔ قدوری مترجم اردوس 19 مطبوعہ ایچ ایم سعید کمپنی کراچی میں ہے۔ نیت تیمم میں فرض ہے۔
2۔ کنز الدقائق مترجم اردو ص 17 مطبوعہ ایچ ایم سعید کمپنی کراچی میں ہے ۔
تیمم کی نیت کر کے ایک دفعہ دونوں ہاتھ زمین پر مار کر سارے منہ پر پھیرے اور دوسری دفعہ ہاتھ مارکر کہنیوں سمیت دونوں ہاتھوں پر پھیرے
3 ۔ شرح وقایہ مترجم ص73 مطبوعہ میر محمد کراچی میں ہے
پس نیت تیمم میں فرض ہے
4۔ ہدایہ اولین ص38-34 مطبوعہ کارخانہ علی محمد کراچی میں ہے
تیمم کرنے والا جب طہارت یا نماز کی نیت کرے تو جائز ہے
5۔ علامہ عینی عمدة القاری ج 4 ص 607 مطبوعہ مصر میں حضرت عائشہ رضی اللہ عنہا کی روایت کے تحت لکھتے ہیں
اس حدیث میں تیمم میں نیت کے وجوب پر دلیل ہے کیونکہ تیمم کا معنی ہے قصد کرو
6۔ فتاوی عالمگیری اردو جلد 1 صفحہ 38 باب تیمم میں ہے اور پہلی فصل ان چیزوں کے بیان میں جو تیمم میں ضروری ہے ان میں سے نیت ہے
7۔ مولانا ابو القاسم رفیق دلاوری حنفی عماد الدین صفحہ 86 مطبوعہ شیخ غلام علی اینڈ سنز میں لکھتے ہیں
سوال: تیم کرنے کا کیا طریقہ ہے؟ جواب: آدمی کو چاہے پہلے نیت کرے الخ
7۔ مفتی کفایت دہلوی حنفی تعلیم الاسلام حصہ سوم ص 66 مطبوعہ تاج کمپنی کراچی میں لکھتے ہیں ۔ سوال: تیم کرنے کا پوراطریقہ بتاؤ؟
جواب: اول نیت کرے کہ میں ناپاکی دور کرنے اور نماز پڑھنے کے لیے تیمم کرتا ہوں الخ
8۔ شیخ محمد الیاس فیصل حنفی نماز پیغمبر صلی اللہ علیہ وسلم ص 89 مطبوعہ سنی پبلکیشز لاہور میں لکھتے ہیں
تیمم کا طریقہ:
تیمم کی نیت کر کے دونوں ہاتھ مٹی پر مار کر جھاڑ دے الخ
9- اکرام الحق حنفی اسلامیات مکمل جلد اول ص 173 مطبوعہ مکتبہ اسلامی راولپنڈی میں لکھتے ہیں ۔
تیم میں بھی تین فرض ہیں۔ پاکی حاصل کرنے کے لئے تیمم کی نیت کرنا الخ
10۔ نماز مسنون کلاں ص 138 مطبوعہ مکتبہ درس القرآن گوجرانوالہ میں ہے۔
مسئلہ
تیمم کے لئے نیت کرناضروری ہے۔ (ہدایہ ج 1ص 26 کبیری 64 شرح نتایج 1ص 26)
ناظرین ہم نے دس حوالے نقل کر دیئے ہیں جس میں ہدایہ کا حوالہ بھی موجود ہے جن میں نیت کرنے کا ذکر ہے یہاں پر ہدایہ میں مسئلہ اور لکھا ہوا ہے۔ راشدی صاحب نے جو حدیث نقل کی ہے اس کا مطلب اور ہے ہدایہ کی عبارت کا مفہوم یہ ہے کہ یہ ضروری یعنی شرط نہیں کہ جنابت کے لئے تیمم کرے تو نیت الگ کرے وضو کے لئے تیمم کرے تو اس کے لئے الگ نیت کرے یہ شرط نہیں ہے۔ ایک کام کے لئے اگر تیمم کرلیا دوسرا کام بھی اس سے ادا ہوسکتا ہے۔
تبصرے
ایک تبصرہ شائع کریں