اعتراض نمبر 92 مسئله : جمع بین الصلاتین میں ایک اذان اور دواقامتیں ہوں گی۔

 اعتراض نمبر ٩٢
پیر بدیع الدین شاہ راشدی لکھتے ہیں:
مسئله : جمع بین الصلاتین میں ایک اذان اور دواقامتیں ہوں گی۔ 

حدیث نبوی صلی اللہ علیہ وسلم 

حجۃ الوداع کے قصے میں ہے کہ آپ صلی اللہ علیہ وسلم جب مزدلفہ پہنچے 

فجمع بها المغرب والعشاء باذان و اقامتين 

(الصحيح المسلم كتاب الحج باب حجة النبي صلی اللہ تعالی علیہ وسلم ج١ص۳۹۴، رقم الحدیث ۲۹۵۰) (ترجمہ ) رسول اللہ صلی اللہ علیہ وسلم نے جمع کیا مغرب اور عشاء کو ایک اذان اور دواقامتوں کے ساتھ۔ ( فقه و حدیث ۱۳۱)

هدایه پر اعتراضات کا علمی جائزہ م

فقه حنفی

ويصلى الامام بالناس المغرب والعشاء باذان واقامة واحدة

(هدایه اولین ج١کتاب الحج باب الاحرام صفحه ۲۴۷) 

(ترجمہ )امام نماز پڑھاۓ لوگوں کو مغرب اور عشاء ایک اذان اور ایک

اقامت کے ساتھ ۔

جواب:

اس مسئلہ میں احادیث مختلف ہیں کسی میں آتا ہے کہ ہر نماز کے لیے اذان بھی دی جاۓ گی اور ا قامت بھی کہی جاۓ گی ۔اورکسی میں آتا ہے ایک اذان اور دوتکبیروں سے دونوں نماز میں پڑھیں گے اور کسی روایت میں آ تا ہے کہ ایک اذان اور ایک ہی تکبیر سے دونوں نماز میں پڑھیں گے راشدی صاحب نے صرف دوتکبیروں والی روایت نقل کر دی اور ایک تکبیر والی کا ذکر نہیں کیا فقہ حنفی کا عمل ایک تکبیر والی احادیث کے مطابق ہے۔

فقہ حنفی کے دلائل:

حدیث نمبر ١ :

روایت ہے عبداللہ بن مالک سے کہ ابن عمر رضی اللہ تعالٰی عنہ نے نماز پڑھی مزدلفے میں اور ملا کر پڑھیں دونماز میں ایک تکبیر سے اور فرمایا دیکھا میں نے رسول اللہ ﷺ کو ایسا ہی کرتے ہوئے اس مکان میں ۔ (ترمذی مترجم جلد اول ص ۳۵ ترجمہ علامہ بدیع الزمان غیر مقلد ابواب الحج باب ماج آفی الجمع بين المغرب والعش آء) 

حدیث نمبر ۲:

حضرت ابن عمر رضی اللہ تعالٰی عنہ بیان کرتے ہیں کہ رسول اللہ ﷺ نے مزدلفہ میں مغرب اور عشاء کی نماز جمع کر کے پڑھی ۔ آپﷺ نے مغرب کی تین رکعات اور عشاء کی دو رکعات ایک اقامت کے ساتھ پڑھیں ( مسلم کتاب ج١ الحج باب الافاضتہ من عرفات الى المزدلفة )

حدیث نمبر ۳:

حضرت سعید بن جبیر رضی اللہ عنہ بیان کرتے ہیں کہ ہم حضرت ابن عمر رضی اللہ عنہ کے ساتھ گئے حتی کہ

مزدلفہ پہنچے وہاں انہوں نے ہمیں مغرب اور عشاء کی نماز میں ایک اقامت کے ساتھ پڑھائیں پھر واپس لوٹے اور کہارسول اللہ ﷺ نے اس جگہ اسی طرح ہمیں نماز پڑھائی تھی۔ ( مسلم کتاب الحج باب الافاضته من عرفات الى المزدلفہ )

حدیث نمبر ۴:

عبداللہ بن مالک سے روایت ہے کہ میں نے مغرب کی تین رکعتیں اور عشاء کی دورکعتیں عبداللہ بن عمر کے ساتھ پڑھیں تو ملک بن الحارث نے ان سے کہا یہ کس طرح کی نماز ہے۔انہوں نے کہا میں نے رسول اللہ ﷺ کے ساتھ ان دونوں نمازوں کو اسی جگہ پڑھا تھا ایک تکبیر سے ۔ (ابو داؤد کتاب المناسک باب الصلوة بجمع )

حدیث نمبر ۵:

سعید بن جبیر وعبداللہ بن مالک سے روایت ہے کہ ہم نے عبداللہ بن عمر کے ساتھ مزدلفے میں نماز مغرب اور عشاء پڑھی ایک تکبیر سے ۔ ( سنن ابو داؤ دکتاب المناسک باب الصلوۃ مجمع ) 

حدیث نمبر ٦ :

حضرت جابر بن عبداللہ رضی اللہ عنہ فرماتے ہیں کہ حضور اکرم صلی علم نے مزدلفہ میں مغرب اور عشاء کی نماز میں ایک اذان اور ایک اقامت کے ساتھ ملا کر پڑھیں اور ان کے درمیان کسی قسم کی نماز نہیں پڑھی۔

(مصنف ابن ابی شیبه بحوالہ نصب الرایہ ج ۳ ص ۲۸) 

حدیث نمبر٧:

حضرت ابوایوب انصاری رضی اللہ عنہ سے روایت ہے کہ حضوراکرم نے مغرب کی تین رکعات اور عشاء کی دورکعات ایک اقامت کے ساتھ ملا کر پڑھیں۔

(نصب الرایج ۳ ص ۶۹)

 ان تمام احادیث سے معلوم ہوا کہ مزدلفہ میں مغرب اور عشاء کو عشاء کے وقت میں ایک اذان اور ایک اقامت کے ساتھ پڑھے اور مغرب اور عشاء کے درمیان کسی قسم کی نفل نماز نہ پڑھی جاۓ حضور اکرم ﷺ کا یہی عمل ہے ۔ اور احناف کا بھی یہی مختار مسلک ہے۔ باقی رہی وہ حدیث جوراشدی صاحب نے نقل کی ہے وہ اس صورت پر محمول ہے کہ اگر مغرب اور عشاء کے درمیان کسی قسم کا وقفہ کر دیا جاۓ مثلا کھانا کھانے کا یا اونٹ وغیرہ بٹھانے کا تو پھر عشاء کی نماز کے لیے دوبارہ اقامت کہی جاۓ تا کہ جولوگ ادھر ادھر ہو چکے ہیں وہ نماز کے لیے حاضر ہوجائیں صاحب ہدایہ نے ایک عقلی دلیل بھی نقل کی ہے جس کا خلاصہ یہ ہے کہ عشاء اپنے وقت پر پڑھی جارہی ہے اس لیے الگ سے اقامت کہنے کی ضرورت نہیں ہے۔ کیونکہ لوگ تو عشاء کے لیے پہلے سے منتظر ہی ہیں اس کے برخلاف عرفہ میں عصر کی نماز اپنے وقت سے پہلے پڑھی جارہی ہے اس لیے لوگوں کو مزید بتلانے کے لیے کہ عصر کی نماز ابھی ہی ہورہی ہے عصر کے لیے الگ سے اقامت کہی جائے گی ۔