محمد بن سعد صاحب الطبقات کی امامِ اعظم ابو حنیفہؒ پر جرح کا تحقیقی جائزہ

 محمد بن سعد صاحب الطبقات  کی امامِ اعظم ابو حنیفہؒ پر جرح کا تحقیقی جائزہ 

 قال محمد بن سعد صاحب الطبقات رحمه الله (ج٧ ص٣٢٢):

أبو حنيفة واسمه النعمان بن ثابت مولى بني تيم الله بن ثعلبة وهو ضعيف الحديث وكان صاحب رأي وقدم بغداد فمات بها في رجب أو شعبان سنة خمسين ومائة وهو ابن سبعين سنة ودفن في مقابر الخيزران.

الجواب :   محمد بن سعد صاحب الطبقات  کی یہ جرح غیر مفسر ہے ، کسی کو ضعیف کہہ دینے سے کوئی راوی ضعیف نہیں ہو جاتا ، غیر مقلد اہلحدیثوں کے محقق زبیر علی زئی لکھتا ہے :

" صرف ضعیف یا متروک یا منکر الحدیث کہہ دینا جرح مفسر نہیں ہے۔ " ( رکعتِ قیامِ رمضان کا تحقیقی جائزہ: ص43 )

 اور جرح غیر مفسر ، راوی کی ثقاہت کو مضر نہیں۔ غیر مقلد عبدالرحمن مبارکپوری لکھتے ہیں : 

جرح مبہم مضر نہیں۔  (ملخصا ابکار المنن ص ۸۰)

غیر مقلد نذیر رحمانی لکھتے ہیں:

غیر مفسر اور مبہم جرحوں کا اعتبار نہ ہوگا۔ (انوار المصابیح ص ۱۳۸)

غیر مقلد ارشاد الحق اثری لکھتے ہیں:

غیر مفسر جرح قابل قبول نہیں۔ (توضیح الکلام ص ۴۳۸)

ایک اور مقام پر لکھتے ہیں

اس پر معمولی کلام ہے غیر مفسر ہونے کی بنیاد پر مردود ہے۔ (پرویزی تشکیک کا علمی محاسبہ ص ۱۸۸)

غالی غیر مقلد رئیس ندوی لکھتا ہے:

تجریح مبہم غیر مقبول ہے۔  (سلفی تحقیقی جائزہ ص ۲۳۱)

 

لہذا محمد بن سعد  کی یہ غیر مفسر جرح مردود ہے خصوصا جبکہ   متشدد ناقد امام الجرح والتعدیل یحیی بن معین  نے امام ابو حنیفہ کو صراحتا ثقہ کہا ہو اور ان کا دفاع کیا ہو ۔ 

غیر مقلدین کے نزدیک "جرح غیر مفسر" مردود ہے، اس کے مقابلہ میں تعدیل مقدم ہے۔ چنانچہ اہلِ حدیث عالم ابو شعیب داؤد ارشاد صاحب لکھتے ہیں ہیں کہ ’’جرح غیر مفسر‘‘ کی بالمقابل بالمشابہ (یعنی جرح غیر مفسرکے مقابلے میں) تعدیل معتبر ہے۔ (دین الحق:ج ۱ص۶۷ بحوالہ الاجماع شمارہ 2) غیر مقلد جلال الدین قاسمی صاحب لکھتے ہیں کہ جرح مبہم کے مقابلے میں تعدیل مقبول ہے۔(احسن الجدال: ص۹۲ بحوالہ الاجماع شمارہ 2)

اور یحیی بن معین سے امام ابو حنیفہ رحمہ اللہ کی واضح توثیق ثابت ہے ، تفصیل کیلئے دیکھیں "النعمان سوشل میڈیا سروسز" کی ویب سائٹ پر موجود ہمارا مضمون

تعریف و توثیق ابو حنیفہ سلسلہ نمبر 2 :امام اعظم ابو حنیفہ ؒ (م۱۵۰؁ھ) امام ابن معین ؒ (م۲۳۳؁ھ) کی نظر میں

یہ توثیق اس لئے بھی اہم ہیکہ ابن معین متشدد جارح ہیں ، اور متشدد جارح کی توثیق بہت زیادہ وقعت رکھتی ہے۔ جیسا کہ غیر مقلدین بھی اقرار کرتے ہیں ۔

"متشدد کی توثیق بہت اہمیت رکھتی ہے"

(جرح وتعدیل ص 25 از غیر مقلد محمد ابراہیم بن بشیر الحسنوی)

اسی طرح متشدد ناقدیں میں سے امام شعبہ رحمہ اللہ نے بھی امام صاحب کی توثیق کی ہے۔

تعریف و توثیق ابو حنیفہ سلسلہ نمبر 27 : امام اعظم ابوحنیفہ ؒ (م ۱۵۰؁ھ) امام شعبہ ابن الحجاج ؒ (م ۱۶۰؁ھ)کے نزدیک ثقہ ہیں ۔

امام ابو حنیفہؒ   کی حدیث میں ثقاہت

امام ابو حنیفہؒ کی علمی عظمت اور حدیث میں ثقاہت پر جن اکابر محدثین و ائمہ نے تعریف کی ہے، ان میں امام شعبہؒ، امام یزید بن ہارونؒ، امام حمّاد بن زیدؒ، امام ابو نعیم فضل بن دکینؒ، زہیر بن معاویہؒ، امام سفیان بن عیینہؒ، امام وکیع بن جراحؒ، مکی بن ابراہیم ،  امام یحییٰ بن زکریاؒ، امام ترمذیؒ اور امام اعمشؒ کے اسماء نمایاں طور پر ذکر ہوتے ہیں۔ ان حضرات نے نہ صرف آپ کی فقہی بصیرت اور فقاہت کی گہرائی کی تعریف کی بلکہ آپ کی حدیث میں ثقاہت، صدق، ضبط اور قوتِ فہم کو بھی واضح طور پر سراہا، جس سے ثابت ہوتا ہے کہ امام ابو حنیفہؒ کو صرف ایک فقیہ نہیں بلکہ ایک معتبر محدث کے طور پر بھی امت کے جلیل القدر ائمہ نے تسلیم کیا ہے۔

 قارئین دیکھیں :  "النعمان سوشل میڈیا سروسز"  کی ویب سائٹ پر موجود

پیش لفظ: سلسلۂ تعریف و توثیقِ امام ابو حنیفہؒ : علمِ حدیث کے اُفق پر چمکتا ستارہ: تابعی، ثقہ، ثبت، حافظ الحدیث، امام اعظم ابو حنیفہؒ