امام ابو زرعہ رازی کی غیر مفسر جرح اور قاضی القضاة امام ابو یوسف کی ثقاہت

امام ابو زرعہ رازی کی غیر مفسر جرح اور قاضی القضاة امام ابو یوسف کی ثقاہت

امام ابو زرعہ رازی کی کتاب "اسامی الضعفاء" (ترجمہ رقم 382) میں فقہ حنفی کے اساطین میں سے ایک عظیم ستون، امام اعظم کے جلیل القدر شاگرد اور قاضی القضاة امام ابو یوسف رحمہ اللہ کے بارے میں جو کلام نقل کیا گیا ہے:

الذي كان على القضاء، يعني صاحب أبي حنيفة. [أسامي الضعفاء لأبي زرعة الرازي (ترجمة رقم ٣٨٢)].

 مذکورہ بالا کلام ایک غیر مفسر جرح (ایسی تنقید جس کی وجہ بیان نہ کی گئی ہو) کی حیثیت رکھتا ہے ، اور ایسی غیر مفسر جرح قبول نہیں کی جاتی۔

حیرت بالائے حیرت یہ ہے کہ ہمارے دور کے وہ احباب جو خود کو اہلحدیث (غیر مقلدین) کہتے ہیں، وہ فقہ حنفی کے ائمہ پر طعن کرنے کے لیے تو ایسے مبہم اقوال کا سہارا لیتے ہیں، مگر خود ان کے اپنے مسلمہ محققین اور شیوخ کے قلم سے اس اصول کی جو تصدیق ہوئی ہے، وہ ان کے اس رویے کا منہ چڑاتی ہے۔ انصاف پسند طبقے کے لیے خود انھی کے گھر کی گواہی پیشِ خدمت ہے:

غیر مقلد اہلحدیثوں کے محقق زبیر علی زئی لکھتا ہے :

" صرف ضعیف یا متروک یا منکر الحدیث کہہ دینا جرح مفسر نہیں ہے۔ " ( رکعتِ قیامِ رمضان کا تحقیقی جائزہ: ص43 )

 اور جرح غیر مفسر ، راوی کی ثقاہت کو مضر نہیں۔ غیر مقلد عبدالرحمن مبارکپوری لکھتے ہیں : 

جرح مبہم مضر نہیں۔  (ملخصا ابکار المنن ص ۸۰)

غیر مقلد نذیر رحمانی لکھتے ہیں:

غیر مفسر اور مبہم جرحوں کا اعتبار نہ ہوگا۔ (انوار المصابیح ص ۱۳۸)

غیر مقلد ارشاد الحق اثری لکھتے ہیں:

غیر مفسر جرح قابل قبول نہیں۔ (توضیح الکلام ص ۴۳۸)

ایک اور مقام پر لکھتے ہیں

اس پر معمولی کلام ہے غیر مفسر ہونے کی بنیاد پر مردود ہے۔ (پرویزی تشکیک کا علمی محاسبہ ص ۱۸۸)

غالی غیر مقلد رئیس ندوی لکھتا ہے:

تجریح مبہم غیر مقبول ہے۔  (سلفی تحقیقی جائزہ ص ۲۳۱)

امام ابو یوسف رحمہ اللہ کی توثیق، تعدیل اور امانت و دیانت پر خود فنِ حدیث کے سخت گیر اور متشدد ناقدین (جیسے امام یحییٰ بن معین، امام نسائی، اور امام ابن حبان رحمہم اللہ) سمیت جمہور محدثین کی صریح اور واضح مہریں ثبت ہیں۔ لہذا، جمہور کی اس قوی، روشن اور واضح توثیق کے سامنے ابو زرعہ رازی کی یہ مبہم اور بے دلیل جرح مردود اور ناقابلِ التفات ہے۔

تفصیل کیلئے دیکھیں  "النعمان سوشل میڈیا سروسز " کی ویب سائٹ پر موجود

سلسلہ دفاع قاضی ابو یوسف ؒ : قسط نمبر1 : قاضی القضاۃ امام یعقوب بن ابراہیم ابو یوسف الأنصاریؒ (متوفی ۱۸۲ھ) کی تعریف ، توثیق اور تحسین