ہدایہ کے 100 مسائل کی تحقیق

﷽

 "ہدایہ کے 100 مسائل کی تحقیق"

---------------------------------------------------------------------------------------------

 Click Here To Follow  

" Al Noman Social Media Services"  

 Channel on WhatsApp :
 یہاں کلک کر کے
"النعمان سوشل میڈیا سروسز"
وٹس ایپ  چینل کو جوائن کریں اور دفاع احناف و رد غیر مقلدیت سلفیت پر ہر قسم کی پوسٹ بر وقت پائیں۔

---------------------------------------------------------------------------------------------

درج ذیل جس بھی اعتراض یا موضوع  کے بابت پڑھنا چاہتے ہیں ، اس اعتراض یا موضوع   پر کلک کریں ، اور پڑھیں۔  تحریر کو کاپی پیسٹ اور شئیر بھی کر سکتے ہیں

--------------------------------------------------------------------------------------------------

 "ہدایہ کے 100 مسائل کی تحقیق"

اعتراض نمبر 1 : اگر رکوع و سجدہ والی نماز میں کھلکھلا کر ہنس پڑا تو وضو ٹوٹ جائے گا۔ جنازہ کی نماز میں یا سجدہ تلاوت میں کھلکھلا کر ہنسنے سے وضو نہیں جائے گا۔

اعتراض نمبر ۲: چوپائے کے ساتھ بدفعلی کرنے اور شرمگاہ کے سوا اور جگہ کرنے سے جب تک انزال نہ ہو غسل واجب نہیں۔

اعتراض نمبر ۳ : انسان اور خنزیر کے سوا جس جانور کے چمڑے کو دباغت دی جائے وہ پاک ہو جاتا ہے (یعنی کتے کی، بھیڑیے کی، گدھے کی اور تمام درندوں کی کھالیں بعد از دباغت پاک ہیں)۔

اعتراض نمبر ۴: کتے، بھیڑیے، گدھے وغیرہ کی دباغت دی ہوئی کھال کو پہن کر نماز ہو جاتی ہے اور ان کھالوں کے ڈول بنا کر ان میں پانی بھر کر وضو کرنا بھی جائز ہے۔

اعتراض نمبر ۵: کتا نجس العین نہیں۔

اعتراض نمبر ۶: ان جانوروں، کتے، بھیڑیئے، گدھے وغیرہ درندوں کی کھالیں بلکہ گوشت بھی ذبح کرنے سے پاک ہو جاتے ہیں۔

اعتراض نمبر ۷: کھجور کی شراب سے وضو کرنا جائز ہے اور اس شراب کو پینا بھی حلال ہے۔ امام ابو حنیفہ کا فرمان یہی ہے۔

اعتراض نمبر ۸: پتھر سے اور گچ سے اور چونے سے اور سرمہ سے اور ہڑتال سے بھی تیمم ہو سکتا ہے۔ امام ابو حنیفہ کا خیال یہی ہے اور امام محمد بھی ان کے ہم خیال ہیں۔

اعتراض نمبر ۹ : کوئی شخص عیدگاہ پہنچا، نماز ہو رہی ہے، اسے خوف ہے کہ اگر میں وضو کروں گا تو نماز ختم ہو جائے گی تو تیمم کر کے شامل ہو جائے۔

اعتراض نمبر 10 : غلیظ نجاست جیسے کہ ناپاک خون اور پیشاب اور شراب اور مرغ کی بیٹ اور گدھے کا پیشاب وغیرہ کپڑے پر یا جسم پر بقدر ایک درہم کے لگا ہوا ہو تو بھی نماز ہو جائے گی۔

اعتراض نمبر 11 : اگر نجاست خفیف ہو اور اس سے کپڑا نجس ہو گیا ہو، اگر چوتھے حصے سے کم ہو تو اسے پہن کر نماز پڑھنا جائز ہے۔

اعتراض نمبر ۱۲ : اگر حرام پرندوں کی بیٹ کپڑے پر پھیلی کی چوڑائی سے بھی زیادہ لگی ہوئی ہو پھر بھی نماز ہو جائے گی۔

اعتراض نمبر ۱۳: ایک شخص عربی میں اچھی طرح پڑھ سکتا ہے، باوجود اس کے فارسی میں قرآن کے معنی پڑھتا ہے، قرآن نماز میں نہیں پڑھتا، اللہ اکبر کے بدلہ میں بھی اس کا ترجمہ فارسی میں پڑھ دیتا ہے تو اس کی نماز جائز ہے۔

اعتراض نمبر ۱۴: امام ابو حنیفہ فرماتے ہیں کہ ہر رکعت میں بسم اللہ الرحمن الرحیم سورۃ فاتحہ سے پہلے نہ پڑھے، صرف پہلی رکعت میں پڑھے۔

اعتراض نمبر ۱۵: سورہ فاتحہ پڑھ لی پھر دوسری سورت نماز میں پڑھے تو اس سے پہلے بسم اللہ نہ پڑھے۔

اعتراض نمبر ۱۶: رکوع کے بعد سیدھا کھڑا ہونا فرض نہیں۔

اعتراض نمبر ۱۷: دونوں سجدوں کے درمیان بیٹھنا فرض نہیں

اعتراض نمبر ۱۸: رکوع سجدہ بھی آرام سے کرنا فرض نہیں۔ امام ابو حنیفہ کا اجتہاد یہی ہے کہ نہ تو سیدھا کھڑا ہونا فرض، نہ دونوں سجدوں کے درمیان بیٹھنا فرض، نہ آرام سے رکوع کرنا فرض۔

اعتراض نمبر ۱۹: اگر سجدے میں صرف ناک زمین پر لگائی اور پیشانی نہ لگائی یا پیشانی لگائی اور ناک نہ لگائی تو بھی جائز ہے۔ امام ابو حنیفہ کی رائے یہی ہے۔

اعتراض نمبر ۲۰: اندھے شخص کو امام بنانا مکروہ ہے۔

اعتراض نمبر ۲۱: اگر جان بوجھ کر تشہد کے بعد گوز مار دے یا بات چیت کرے تو اس کی نماز پوری ہو جائے گی۔

اعتراض نمبر ۲۲ : کسی غریب مسکین شخص کو زکوٰۃ کے مال میں سے دو سو درہم یعنی پچاس روپے یا اس سے زیادہ دینا مکروہ ہے۔

اعتراض نمبر ۲۳: مشت زنی کرنے والے کا روزہ نہیں ٹوٹتا۔ حنفی مذہب کے فقہاء نے یہی کہا ہے۔

اعتراض نمبر ۲۴ : پاخانے کی جگہ میں وطی کرنے سے کفارہ واجب نہیں ہوتا۔ امام ابو حنیفہ کا فتویٰ یہی ہے۔

اعتراض نمبر ۲۵ : مردہ عورت سے یا چوپائے سے بدفعلی کرنے سے روزہ کا کفارہ نہیں آتا، انزال نہ ہوا ہو تب بھی اور انزال ہو گیا ہو تب بھی۔

اعتراض نمبر ۲۶ : شرم گاہ کے سوا کسی اور جگہ جماع کیا اور انزال بھی ہوا، پھر بھی روزہ کا کفارہ لازم نہیں آئے گا۔

اعتراض نمبر ۲۷: هدايه قربانی کے جانور کی کوہان پر نشان کر دینا جو سنت ہے مکروہ ہے بلکہ یہ مثلہ کرنا ہے (یعنی اعضاءِ بدن کا کاٹ دینا) امام ابو حنیفہ کی رائے یہی ہے۔

اعتراض نمبر ۲۸: کسی مرد نے کسی غیر عورت کو شہوت کے ساتھ چھو لیا، اس کی شرمگاہ کو دیکھ لیا یا اس عورت نے اس کی شرمگاہ کو شہوت کی نظر سے دیکھ لیا تو اس عورت کی ماں اور بیٹی اس مرد پر حرام ہو گئی۔

اعتراض نمبر ۲۹ : اگر چھونے سے انزال ہو جائے تو حرمت ثابت نہ ہوگی۔ اسی طرح اگر خلافِ فطرت فعل کیا یعنی اس عورت سے پاخانہ کی جگہ وطی کی تو بھی حرمت ثابت نہ ہوگی۔ (یعنی صرف چھونے سے حرمت ثابت لیکن اگر اتنا مساس کیا کہ انزال ہو گیا تو حرمت زائل، صرف دیکھ لینے سے حرمت موجود لیکن شرمناک بدفعلی سے حرمت مفقود)

اعتراض نمبر ۳۰: ایک شخص نے اپنی بیوی کو بائن طلاق دے دی یا رجعی، جب تک اس کی عدت نہ گزر جائے وہ مرد اس کی بہن سے نکاح نہیں کر سکتا۔ (عورت کی عدت تو سنی تھی، یہ مرد کی عدت بھی سن لیجیے)

اعتراض نمبر ۳۱: کسی عورت کو زنا کرتے ہوئے دیکھا اور اس سے نکاح کر لیا تو اس سے ہم بستر ہونا جائز ہے اور کچھ ضرورت نہیں کہ ایک حیض تک ٹھہرے۔

اعتراض نمبر ۳۲: ایک عورت نے ایک مرد پر جھوٹا دعویٰ کیا کہ اس سے اس کا نکاح ہے اور جھوٹے گواہ گزار دیے۔ قاضی نے اس پر فیصلہ کر دیا حالانکہ حقیقتاً نکاح نہیں ہوا تو اب ان دونوں کو یکجا رہنا سہنا اور مجامعت اور صحبت کرنا سب جائز ہے۔ امام ابو حنیفہ کا فتویٰ یہی ہے۔

اعتراض نمبر ۳۳ : ذمی مرد نے ذمی عورت سے نکاح کیا اور مہر میں شراب یا سور مقرر کیا، پھر دونوں میاں بیوی مسلمان ہو گئے تو بھی مہر میں شراب یا سور ادا کر دے۔ اسی طرح اگر دونوں میں سے ایک مسلمان ہو گیا تو بھی یہی حکم ہے۔

اعتراض نمبر ۳۴ : زانی کو سنگسار کرنے کے وقت پہلے گواہ سنگ باری شروع کریں اور اگر وہ نہ کریں تو حد ساقط ہو جائے گی۔ یعنی زانی کو بھی پھر رجم ہی نہ کیا جائے گا۔

اعتراض نمبر ۳۵ : جو شخص اپنے باپ کی یا اپنی ماں کی یا اپنی بیوی کی لونڈی سے زنا کرے اور یہ کہہ دے کہ میں نے خیال کیا تھا کہ یہ مجھ پر حلال ہے

اعتراض نمبر ۳۶ : کسی شخص نے اپنی بیوی کو تین طلاقیں دے دیں اور پھر اس سے عدت کے اندر زنا کیا، یا طلاقِ بائن مال لے کر دے دی پھر عدت میں زنا کیا، اور ام ولد لونڈی کو آزاد کر دیا اور عدت میں اس سے زنا کاری کی، اور غلام نے اپنے آقا کی لونڈی سے زنا کیا، اگر یہ لوگ کہہ دیں کہ ہم نے اسے حلال جانا تھا تو ان میں سے کسی پر حد نہیں۔

اعتراض نمبر ۳۷ : اگر کسی کے پاس دوسرے کی لونڈی گروی ہو اور وہ اس سے بدکاری کرے تو اس پر بھی کوئی حد نہیں۔

اعتراض نمبر ۳۸ : اگر کوئی شخص اپنی اولاد یا اولاد کی اولاد کی لونڈی سے بدکاری کرے اگرچہ وہ جانتا ہو کہ یہ اس پر حرام ہے، تاہم اسے حد نہ ماری جائے۔

اعتراض نمبر ۳۹: جو شخص ان عورتوں میں سے کسی سے نکاح کرے جن سے نکاح حرام ہے (جیسے ماں، بہن، بیٹی وغیرہ) اس پر حد واجب نہیں۔ امام ابو حنیفہ کا فرمان یہی ہے۔

اعتراض نمبر ۴۰ : جو شخص کسی عورت کی یا مرد کی پاخانہ کی جگہ میں بدکاری کرے تو اس پر حد نہیں۔ امام ابو حنیفہ کا فرمان یہی ہے۔

اعتراض نمبر ۴۱ : جو شخص کفار کی حکومت میں یا باغیوں کی حکومت کے علاقہ میں زنا کرے پھر اسلامی حکومت میں آ جائے تو اس پر زنا کاری کی کوئی حد نہیں۔

اعتراض نمبر ۴۲: جو شخص چوپائے سے بدفعلی کرے اس پر حد نہیں۔

اعتراض نمبر ۴۳ : اگر کوئی عورت اپنی خوشی اور رضامندی سے کسی بے وقوف یا بچے کے ساتھ زنا کرائے تو اس عورت پر کوئی حد نہیں، نہ اس بیوقوف اور بچے پر کوئی حد ہے۔

اعتراض نمبر ۴۴: خود مختار آزاد بادشاہ جو کچھ برا کام کرے (مثلاً چوری، زنا کاری، شراب خوری وغیرہ) اس پر کوئی حد نہیں۔ ہاں اگر کسی کو قتل کر ڈالے تو قصاص ہے۔

اعتراض نمبر ۴۵: کسی چور کی چوری، شرابی کی شراب خوری، زانی کی زنا کاری کی گواہوں نے وقوعہ کے کچھ دنوں بعد گواہی دی تو اس مجرم کو نہ پکڑا جائے نہ حد ماری جائے۔

اعتراض نمبر ۴۶ : اگر گواہوں نے گواہی زنا کی دی لیکن اس عورت کو وہ پہچانتے نہ تھے تو اسے حد نہ لگائی جائے اگرچہ مرد کو پہچانتے بھی ہوں۔

اعتراض نمبر ۴۷ : ایک زانی کے زنا پر چار گواہ ہیں۔ دو تو کہتے ہیں کہ وہ عورت راضی نہ تھی، دو کہتے ہیں وہ بھی راضی تھی، تو نہ عورت کو حد لگائی جائے گی نہ مرد کو۔ امام ابو حنیفہ کا فتویٰ یہی ہے اور ان کے شاگرد امام زفر بھی ان کے ساتھ ہیں

اعتراض نمبر ۴۸: ایک شرابی نے اپنے شراب پینے کا اقرار کیا لیکن اس وقت اس کے منہ کی شراب کی بدبو چلی گئی تو باوجود اس کے اقرار کے اسے حد نہیں لگے گی۔

اعتراض نمبر ۴۹: شرابی نے شراب پی۔ جب اس کے منہ کی بدبو چلی گئی تو اگرچہ گواہ گواہی دیں، تاہم حد نہیں لگائی جائے گی۔

اعتراض نمبر ۵۰: جو نشہ لانے والی مباح چیزیں ہیں ان کے استعمال سے اگر نشہ آئے تو حد نہیں جیسے بھنگ کا پینا۔

اعتراض نمبر ۵۱: خشک لکڑیاں اور گھاس اور بانس اور مچھلی اور پرند جیسے مرغ، بط، کبوتر وغیرہ اور ہڑتال اور سرخ مٹی اور قلعی، چونے کا جو چور ہو اس کے ہاتھ نہیں کاٹے جائیں گے۔

اعتراض نمبر ۵۲ : ان چیزوں کے چرانے میں بھی ہاتھ نہیں کاٹے جائیں گے جو جلد خراب ہو جاتی ہیں جیسے دودھ، گوشت اور تر میوے

اعتراض نمبر ۵۳: نشہ والی پینے کی چیزوں کے چرانے سے بھی ہاتھ نہیں کاٹا جاتا۔

اعتراض نمبر ۵۴ : طنبورہ وغیرہ باجے گاجے چرانے سے بھی ہاتھ نہیں کٹ سکتا۔

اعتراض نمبر ۵۵ : قرآن شریف کے چور کے ہاتھ نہیں کاٹے جائیں گے اگرچہ وہ سونے کے کام والا ہو۔

اعتراض نمبر ۵۶: خانہ کعبہ، مسجدِ حرام کے دروازے اگر کوئی چور چرا لے جائے تو اس کے بھی ہاتھ نہیں کاٹے جائیں گے۔

اعتراض نمبر ۵۷ : سونے کی صلیب اور شطرنج اور پانسے چرانے والے کے ہاتھ نہ کاٹنے چاہئیں۔

اعتراض نمبر ۵۸ : اگر کوئی شخص چھوٹے بچے کو چرا لے جائے اگرچہ وہ زیور بھی پہنے ہوئے ہو، تاہم اس کے ہاتھ نہیں کاٹے جائیں گے۔

اعتراض نمبر ۵۹ : بڑی عمر کے غلام کو چرایا جائے تو بھی ہاتھ نہیں کاٹا جائے گا۔

اعتراض نمبر ۶۰: کتے کے اور چیتے کے چور پر ہاتھ کاٹنا نہیں۔

اعتراض نمبر ۶۱: ڈھول، طبلہ، بربط اور دوسری قسم کے باجوں کے چور کے ہاتھ نہیں کاٹے جائیں گے۔

اعتراض نمبر ۶۲: کفن چور کا ہاتھ بھی نہ کاٹنا چاہیے۔

اعتراض نمبر ۶۳: ایک شخص نے ایک چیز چرائی، اس کا ہاتھ کاٹا گیا اور وہ چیز مالک کے پاس پہنچ گئی۔ اسی چور نے پھر دوبارہ اسی چیز کو چرایا تو اب اس کا ہاتھ نہ کاٹا جائے گا۔

اعتراض نمبر ۶۴: جو شخص اپنے ماں باپ یا اولاد یا کسی اور ذی محرم رشتہ دار کی چوری کرے اس کا ہاتھ بھی نہ کاٹا جائے گا۔

اعتراض نمبر ۶۵: اگر کسی غیر شخص کی چیز اپنے ذی محرم رشتہ دار کے گھر سے کوئی چرائے پھر بھی اس پر حد نہیں۔

اعتراض نمبر ۶۶: حمام میں سے یا ایسے گھر میں سے جس میں اسے جانے کی اجازت ہو کوئی چیز چرالائے تو اس پر بھی حد نہیں۔

اعتراض نمبر ۶۷ : مہمان اپنے میزبان کے گھر سے چوری کرے تو اس پر بھی حد نہیں، یعنی اس کا ہاتھ بھی نہ کاٹا جائے۔

اعتراض نمبر ۶۸ : چور نقب لگا کر کسی کے گھر میں گیا اور وہاں سے مال لے کر ایک دوسرے چور کو دے دیا جو گھر کے باہر کھڑا تھا تو نہ اس کے ہاتھ کاٹے جائیں نہ اس کے۔

اعتراض نمبر ۶۹ : اگر اسی طرح مال گدھے پر لاد لیا اور اسے ہنکا لیا تو بھی حد نہیں، ہاتھ نہیں کاٹا جائے گا۔

اعتراض نمبر ۷۰: چور نے اگر نقب لگا کر اور اس میں سے ہاتھ بڑھا کر چوری کی تو ہاتھ نہ کاٹا چاہیے۔