المجروحین لابن حبان میں اعتراض نمبر 21 : محدث ابن حبان نقل کرتے ہیں کہ ابن المبارک نے فرمایا جس شخص کے پاس کتاب الحیل ہو، اور وہ اس میں لکھی ہوئی باتوں پر عمل کرنا چاہے، تو وہ کافر ہے
امام اعظم ابو حنیفہ رحمہ اللہ پر متشدد محدث ابن حبان رحمہ اللہ کی جروحات کا جائزہ :
المجروحین لابن حبان میں اعتراض نمبر 21 :
وأخبرنا محمد بن عبد الرحمن الفقيه قال: سمعت محمد بن أحمد بن حكيم الشيباني يقول: سمعت أبا إسحاق الطالقاني يقول: سمعت ابن المبارك يقول: من كان عنده كتاب الحيل يريد أن يعمل بما فيه فهو كافر وبانت منه امرأته وبطل حجه. ثم قال: قال فلان: لو أن رجلا ظاهر من امرأته فارتد عن الاسلام سقط عنه كفارة الطهار، ولو أن رجلا ابتلى بهذا وقال له رجل: أفعل هذا لكي تسقط عنه الكفارة فهو كافر وباتت منه امرأته وبطل حجه.
محدث ابن حبان نقل کرتے ہیں کہ ابن المبارک نے فرمایا جس شخص کے پاس کتاب الحیل ہو، اور وہ اس میں لکھی ہوئی باتوں پر عمل کرنا چاہے، تو وہ کافر ہے ۔۔۔۔ الخ
(المجروحين لابن حبان ت زاید 3/71 )
جواب :
اس روایت کی سند کا حال یہ ہیکہ
1۔ محمد بن أحمد بن حكيم الشيباني مجہول ہیں ، سوائے ابن حبان کے کسی نے ان کی توثیق نہیں کی اور ابن حبان مجاہیل کی توثیق میں متساہل ہیں
2۔ أبا إسحاق الطالقاني پر محدثین نے یہ جرح کی ہیکہ یہ امام ابن المبارک سے غرائب نقل کرتے ہیں ۔
وقال إبراهيم بن عبد الرَّحمن الدارمي: روى عن ابن المبارك أحاديث غرائب.
اور اس روایت میں بھی وہ ابن المبارک سے روایت کر رہے ہیں ، لہذا سند مشکوک ہو جاتی ہے
وقال ابن حبان في «الثقات»: يُخطئ، ويخالف، ۔ امام حبان نے ان کو الثقات میں ذکر کیا ہے اور لکھا ہے کہ یہ غلطیاں کرتے تھے ۔
3۔ کتاب الحیل امام ابو حنیفہ کی تصنیف ہے ، یہ کسی بھی طرح ثابت نہیں ہے ، بلکہ یہ کتاب ، بعض حاسدین کی گھڑی ہوئی ہےبہت ممکن ہے کہ کسی باطل فرقے والے نے یہ کتاب لکھ کر امام ابو حنیفہ رحمہ اللہ اور ان کے اصحاب کی طرف اس کی نسبت کر دی ہو، کیونکہ جب لوگوں کے جھوٹ سے حضور ﷺ کی ذات محفوظ نہیں (لوگ جھوٹی احادیث بیان کرکے اس کی نسبت حضور ﷺ کی طرف کر دیتے ہیں) تو امام ابو حنیفہ رحمہ اللہ اس سے کیسے محفوظ ہو سکتے ہیں۔
مذکورہ کتاب الحیل امام ابو حنیفہ یا حنفی آئمہ میں سے کسی کی بھی کتاب نہیں ہے۔ جس کی تفصیل قارئین یہاں لنک پر دیکھ سکتے ہیں
"النعمان سوشل میڈیا سروسز" کی ویب سائٹ پر موجود
▪︎(سلسلہ ) المجروحین لابن حبان میں امام ابو حنیفہ رحمہ اللہ پر اعتراضات کے جوابات ۔
▪︎( سلسلہ ) امام ابو حنیفہ رحمہ اللہ پر متفرق اعتراضات
اعتراض نمبر31 : کتاب الحیل ، امام ابو حنیفہ کی تصنیف ہے ۔
تبصرے
ایک تبصرہ شائع کریں