المجروحین لابن حبان میں اعتراض نمبر 35 : محدث ابن حبان نقل کرتے ہیں کہ یحییٰ بن حمزہ اور سعید بن عبد العزیز نے کہا: ہم نے ابو حنیفہ کو یہ کہتے ہوئے سنا: "اگر کوئی شخص اس خچر کی عبادت کرے، اس نیت سے کہ وہ اس کے ذریعے اللہ جل و علا کا تقرب حاصل کرے، تو میں اس میں کوئی حرج نہیں سمجھتا۔"

 امام اعظم ابو حنیفہ رحمہ اللہ پر  متشدد محدث ابن حبان رحمہ اللہ کی جروحات کا جائزہ : 

المجروحین لابن حبان میں اعتراض نمبر 35 : 

أخبرنا الثقفي قال: حدثنا أحمد بن الوليد الكرخي قال: حدثنا الحسن بن الصباح قال: حدثنا محفوظ بن أبي ثوبة قال: حدثني ابن أبي مسهر قال: حدثنا يحيى ابن حمزة وسعيد بن عبد العزيز قالا: سمعنا أبا حنيفة يقول: لو أن رجلا عبد هذا البغل تقربا بذلك إلى الله جل وعلا لم أر بذلك بأسا. 

محدث ابن حبان نقل کرتے ہیں کہ  یحییٰ بن حمزہ اور سعید بن عبد العزیز نے کہا: ہم نے ابو حنیفہ کو یہ کہتے ہوئے سنا: "اگر کوئی شخص اس خچر کی عبادت کرے، اس نیت سے کہ وہ اس کے ذریعے اللہ جل و علا کا تقرب حاصل کرے، تو میں اس میں کوئی حرج نہیں سمجھتا۔"

(المجروحين لابن حبان ت زاید 3/73  )

جواب  : متعصب محدث ابن حبان نے امام ابو حنیفہ رحمہ اللہ کے ترجمہ کے اخیر میں اس ضعیف ترین روایت کو نقل کیا ہے ، جس کی اسنادی حیثیت یہ ہیکہ 

1۔ أحمد بن الوليد الكرخي مجہول ہیں ، سوائے ابن حبان کے ان کی توثیق کسی نے نہیں کی اور ابن حبان مجاہیل کی توثیق کرنے میں متساہل ہیں۔

أحمد بن الوليد الكرخي -إن لم يكن المخرمي الآتي فهو (مجهول حال) (حبان ١/ ٤٩٧).

(مصباح الأريب في تقريب الرواة الذين ليسوا في تقريب التهذيب ٤/‏٢٠ )

2۔ محفوظ بن أبي توبة ضعیف راوی ہیں۔

محفوظ بن أبي توبة. سمع عبد الرزاق. ضعف أحمد أمره جدا 

( العلل برواية عبد اللَّه ٥١٣٤ ، الضعفاء والمتروكون لابن الجوزي ٣/‏٣٦ ، ميزان الاعتدال ٣/‏٤٤٤ ، لسان الميزان ت أبي غدة ٦/‏٤٦٩ ) 

3۔ ابن أبي مسهر مجھول ہیں اور نہ ہی ان کا سماع یحیی بن حمزہ قدری سے ثابت ہے ، ایسی ضعیف سند سے امام ابن حبان کا امام ابو حنیفہ رحمہ اللہ پر اعتراض نقل کرنا تعصب ہے جو کہ مردود ہے۔

4۔ امام ابو حنیفہ رحمہ اللہ اور جوتے کی عبادت سے متعلق (جعلی ، جھوٹی اور من گھڑت ) روایت ہمیں تاریخ بغداد میں بھی ملتی ہے ، جس کی سند ابن حبان کی مذکورہ سند سے کچھ قدرے بہتر ہے لیکن متصل صحیح سند وہ بھی نہیں ہے ، بلکہ اس میں بھی انقطاع ہے ، جسکی مکمل  تفصیل قارئين " النعمان سوشل میڈیا سروسز " کی ویب سائٹ پر  موجود (تانیب الخطیب) امام ابو حنیفہ پر اعتراض نمبر 15 میں دیکھ سکتے ہیں ۔