امام حماد بن زید رحمه الله سے منقول امام ابو حنیفہ رحمہ اللہ پر جروحات کا تفصیلی جائزہ
بعض لوگ امام حماد بن زید رحمه الله سے امام ابو حنیفہ رحمه الله پر اعتراضات پیش کرتے ہیں، جن کا تفصیلی جائزہ یہاں اس پوسٹ میں لیا جائے گا۔
اعتراض نمبر 1:
حدثنا سليمان بن أحمد ، ثنا طالب بن فسره الأدنى ، ثنا محمد بن عيسى بن الطباع ، حدثني أخي إسحاق بن عيسى ، قال : كنا عند حماد بن زيد ومعنا وهب بن جرير ، فذكرنا شيئا من قول أبي حنيفة ، قال حماد بن زيد : اسكت ولا يزال الرجل منكم داحضا في بوله يذكر أهل البدع في مجلس عشيرته حتى يسقط من أعينهم ، ثم أقبل علينا حماد ، فقال : أتدرون ما كان أبو حنيفة ، إنما كان يخاصم في الإرجاء فلما تخوف على مهجته تكلم في الرأي ، فقاس سنن رسول الله صلى الله عليه وسلم بعضها ببعض ليبطلها ، وسنن رسول الله صلى الله عليه وسلم لا تقاس .
اسحاق بن عیسیٰ نے کہا: ہم امام حماد بن زید کے پاس تھے اور ہمارے ساتھ وہب بن جریر بھی تھے۔ ہم نے امام ابو حنیفہ کے کچھ اقوال کا ذکر کیا، تو حماد بن زید نے کہا: "چپ رہو! تم میں سے آدمی اپنے پیشاب میں لت پت رہتا ہے، (پھر) اہلِ بدعت کا ذکر اپنی قوم کی مجلس میں کرتا ہے یہاں تک کہ وہ ان کی نظروں سے گر جاتا ہے۔"
پھر حماد ہماری طرف متوجہ ہوئے اور کہا: "جانتے ہو ابو حنیفہ کیا تھا؟ وہ ابتدا میں مسئلہ ارجاء میں جھگڑتا تھا، پھر جب اپنی جان کا خطرہ محسوس کیا تو رائے کی باتیں کرنے لگا، اور اس نے نبی ﷺ کی سنتوں کو قیاس کرنے لگا تاکہ انہیں باطل کرے، حالانکہ نبی ﷺ کی سنتوں پرقیاس نہیں کیا جا سکتا۔
(حلية الأولياء وطبقات الأصفياء 6/259)
جواب : اس روایت کا مدار "طالب بن قرة الأذني" پر ہے، جو مجہول الحال اور غیر معروف راوی ہے۔ محقق أبو الطيب نايف المنصوري نے اس راوی پر مجہول الحال کا حکم لگایا ہے۔ ( إرشاد القاصي والداني إلى تراجم شيوخ الطبراني 336 )
محدثین نے اس کی کوئی ثقاہت ذکر نہیں کی ، بعض جگہ اس راوی کے نام میں طَالِبُ بْنُ مَسَرَّةَ الْأَدْنَى ہے ، بعض جگہ طالب بن فسره الأدنى ، جبکہ صحیح نام طالب بن قرة الأذني ہے جیسا کہ طبرانی میں موجود ہے ، اور یہ راوی مجہول ہے ، لہذا روایت ضعیف ہے۔
اعتراض نمبر 2 :
حدثنا سليمان بن احمد ثنا عبدالله بن احمد بن حنبل حدثني منصور بن أبي مزاحم قال سمعت أبا علي العذري يقول لحماد بن زيد مات أبو حنيفة قال الحمد لله الذي كنس بطن الارض به
امام حماد بن زید ، امام ابو حنیفہ کی وفات پر خوش ہو کر شکریہ ادا کرتے ہیں کہ الحمد اللہ ! زمین صاف ہوئی۔
(حلية الأولياء وطبقات الأصفياء 6/259)
جواب :
أبا علي العذري راوی مجہول ہے ، اس کی کوئی توثیق ہی نہیں ملتی ، نہ کتب رجال میں اس کا کوئی ترجمہ ، لہذا روایت ضعیف ہے ۔
اعتراض نمبر 3۔
وأخبرني محمد ابن المنذر قال: حدثنا عثمان بن سعيد قال: حدثنا أبو الربيع الزهراني قال: سمعت حماد بن زيد يقول: سمعت أبا حنيفة يقول: لم أكد ألقى شيخا إلا أدخلت عليه ما ليس من حديثه إلا هشام بن عروة.
محدث ابن حبان نقل کرتے ہیں کہ حماد بن زید بیان کرتے ہیں کہ میں نے امام ابو حنیفہ کو یہ کہتے ہوئے سنا: "میں شاید ہی کسی شیخ سے ملا ہوں مگر میں نے اس پر ایسی بات داخل کی جو اس کی حدیث نہ تھی، سوائے هشام بن عروة کے۔"
(المجروحين لابن حبان ت زاید 3/72 )
جواب :
تفصیل کیلئے قارئین دیکھیں "النعمان سوشل میڈیا سروسز" کی ویب سائٹ پر موجود
تبصرے
ایک تبصرہ شائع کریں